Usa ka kapin usa katuig nga batang babaye ang namatay human malatayan og dump truck sa usa ka trahedya nga aksidente sa dalan sa Sitio Tangub, Barangay Lagtang, niadtong Marso 2, 2026.
Sumala sa pasiuna nga imbestigasyon, gikugos sa inahan ang bata samtang ang amahan ang nagmaneho sa motorsiklo. Gikan sila sa Barangay Tabunok ug mopaingon na unta pauli sa Kampo 4 sa dihang nahitabo ang insidente.
Matod sa pipila ka mga saksi, nagdulhog ang motorsiklo ug wala makontrol sa amahan hangtud nga nalamba ug midiretso paingon sa dump truck.
Sa laing bahin, nagkanayon ang driver sa dump truck nga diha sila daplin sa dalan ug hinay-hinay nga miabante sa dihang iyang nadungog ang mga singgit. Wala magdugay, natarog ang iyang sakyanan ug nakadungog siya og kusog nga tunog ilawom sa truck.
Ang amahan sa bata wala pa mahatag og pahayag tungod sa dakong kaguol nga iyang gibati. Samtang ang driver sa dump truck anaa na karon sa kustodiya sa kapolisan alang sa dugang imbestigasyon.
Padayon ang imbestigasyon sa mga awtoridad aron mahibaw-an ang tinuod nga hinungdan sa aksidente.
Source: CT-TODA / Facebook
