Nasunog ang 11 ka kabalayan sa Sitio Tambis, Barangay Guadalupe, sa insidente sa sunog nga nahitabo niadtong Marso 2, 2026.
Sumala sa report, ang Guadalupe Emergency Response Team – Fire maoy unang niresponde sa lugar, kauban ang Bureau of Fire Protection Engine 10 (BFP E10). Paspas ang pagkalat sa kalayo tungod kay kadaghanan sa mga balay gihimo sa light materials.
Sa kinatibuk-an, 17 ka pamilya o 59 ka indibidwal ang naapektuhan sa maong sunog. Sa breakdown, 10 ka balay ang totally damaged, usa (1) ang partially damaged, unom (6) ka pamilya ang sharers, samtang usa (1) ka pamilya ang gipahawa o gi-evacuate sa laing lugar sa Guadalupe.
Nagtambong usab ang Barangay Captain ug ang SK Chairman sa maong barangay aron masiguro ang dali nga paghatag og tabang ug koordinasyon alang sa mga apektadong residente.
Padayon ang imbestigasyon sa hinungdan sa sunog samtang ang lokal nga panggamhanan nagkoordinar sa paghatag og relief assistance sa mga biktima.
Contributed photo, via Ariel Alegado
